വിദ്യാഭ്യാസമേഖലയില്‍ പൊതുസ്കൂളുകള്‍ക്കു(സര്‍ക്കാര്‍/എയ്ഡഡ്) പകരം പുത്തന്‍ തലമുറ സ്കൂളുകള്‍(CBSE) അരങ്ങുവാഴുന്നു.. വ്യത്യസ്ത മതവിഭാഗങ്ങളിലെ കുട്ടികള്‍ ഇടകലര്‍ന്നു പഠിക്കുന്ന പൊതുസ്കൂളുകളില്‍ ഓണം,വിഷു,ബക്രീദ്,ക്രിസ്തുമസ് തുടങ്ങിയ ആഘോഷങ്ങളുടെ ഊറ്റങ്ങള്‍ പരസ്പരം കൈമാറുന്ന “പൊതുഇടങ്ങള്‍” അറിയാതെ സൃഷ്ടിക്കപ്പെടുന്നു.. ഞാന്‍ പഠിച്ച LPസ്കൂളില്‍ ഞാനും അറമുഖനും തൊട്ടടുത്ത ബെഞ്ചിലെ കാര്‍ത്യായനിയും സൂറാബീവിയും പരസ്പരം കൈമാറിയിരുന്ന തങ്ങളുടേതായ വിശേഷങ്ങള്‍ പരസ്പരം മടുപ്പിക്കുന്നതായിരുന്നില്ല, പകരം അടുപ്പിക്കുന്നതായിരുന്നു.. അവരുടെ ആഘോഷങ്ങള്‍ നമ്മുടേതുകൂടി ആയിരുന്നെങ്കില്‍ എന്നു ചിന്തിക്കുമായിരുന്നു.. എന്നാല്‍ ഇന്നത്തെ പുത്തന്‍ തലമുറ(unaided) സ്കൂളുകള്‍ മതപഠനം കൂടി സിലബസില്‍ അധികമായി കൂട്ടിച്ചേര്‍ത്തപ്പോള്‍ മുസ്ലിം സ്കൂളുകളില്‍ മറ്റു മതവിഭാഗങ്ങള്‍ ചേരാതായി.. സരസ്വതിവന്ദനത്തോടെ ക്ലാസ് തുടങ്ങുന്ന സ്കൂളുകളില്‍ മറ്റു വിഭാഗങ്ങളും പോകുന്നില്ല.. ആഘോഷദിനങ്ങള്‍ക്കുള്ള പൊതുഅവധി ദിനങ്ങള്‍ പോലും സ്വന്തം വിഭാഗത്തിന്റെ ആഘോഷങ്ങള്‍ക്കു കൂടുതലാക്കിയും മറ്റുള്ളവ കുറച്ചും ക്രമീകരിക്കുന്നു.. ഇത്തരം സ്കൂളുകളില്‍ നിന്നു പുറത്തിറങ്ങുന്ന കുട്ടികള്‍ ഓണവും വിഷുവും ബക്രീദും ക്രിസ്തുമസും അറിയാത്തവരായി മാറുകയാണ്.. ഈ തലമുറ മതേതരവാദികളാകാനാണോ വര്‍ഗ്ഗീയവാദികളാകാനാണോ കൂടുതല്‍ സാധ്യത..?? ഈ പ്രവണതയെ അവധാനതയോടെ കൈകാര്യം ചെയ്തില്ലെങ്കില്‍ അനന്തരഫലം വലിയതായിരിക്കും.. പൊതുഇടങ്ങള്‍ നഷ്ടപ്പെടാതെ നാം സൂക്ഷിക്കുക...
Subscribe to:
Post Comments (Atom)
No comments:
Post a Comment